Бер күрешеү — үзе бер гомер
Ак юлларым алда,
Әй йөрәгем талма,
Талма инде ярсып кабынып.
Кайтам моңлы илгә,
Туып үскән җиргә
Якын дусларымны сагынып.
Бер алманы бишкә бүләек (Бу дөньяның кадерен беләек)
Аркалардан арпа ураек,
Тугайларга төшеп кунаек,
Бер алманы бишкә бүләек,
Бер алманы бишкә бүләек,
Беребез өчен беребез үләек.
Бер алманы бишкә бүләек (беренче вариант)
Бакчалардан былбыл качкан,
Көзләр тигән алмагачка.
Кайгы төште безнең башка —
Бер кайгыны бишкә, әй, бүләек.
Белегез шуны
Иртә таңнарда карыйм талларга,
Өзә үзәкне кошларның моңы.
Аерылсам сездән, якын дусларым,
Саргаер идем — белегез шуны.
Без кабызган утлар
Без кабызган утлар сүнмәс алар,
Сүнмәс алар хәтәр җилләрдә;
Без кабызган утлар якты янар,
Якты янар хезмәт илендә.
Без идек
Сары бөдрә чәчләреңне
Үреп салчы толымын.
Йөрәгемә чабып кердең
Минем елгыр колыным.
Балачак чишмәсе
Челтер-челтер, челтер-челтер
Болында
Челтерәп,
Чишмә ага, балачак
Турында
Җыр җырлап.
Җәйге көндә иелеп сулар
Эчкәндә
Без бергә,
Күрә идек икебезне
Рәсемдә
Чишмәдә.
Чишмә күзе бик тирәннән
Ургыла,
Тын гына
Әйткән кебек:
«Ул гына юк
Яныңда,
Ул гына».
Чишмә күзе кебек иде
Күзләрең,
Аппагым;
Гомеремнең көзләрендә
Эзләдем,
Тапмадым.
Челтер-челтер акты-китте
Тиз генә
Балачак…
Их, тагын бер болындагы
Көзгегә
Карасак…
Күпме сулар акмаган ла,
Саф җилләр
Исмәгән;
Күзләреңнең чагылышын
Эзлимен
Чишмәдән.
Көзге
Җилләр, сискәндереп,
Исмәгез
Челтер-челтер челтерәми
Чишмәбез, —
Саеккан.
Эзләребез табылмаслар:
Аңладым
Үзем дә…
Көзге җилләр кагылмаслар
Җандагы
Рәсмеңә.
Балачак хыяллары
Салават күпере сыман
Калса да балачагым,
Тоям гомерем буена
Озатып барачагын.
Ашхабад
Әй, дусларым, дусларым ла,
Дусларым бәгъерләрем.
Сез дуслардан аерылсам,
Ялгыз башым нишләрмен.
Аргамагым сиңа алып килде
Атла әле, ашык, аргамагым:
Җитәсем лә килә, күрәсем.
Башын игән, сүрән генә атлый,
Ул нәрсәдер сизә, күрәсең…
