Томан
Иртә дә томан, кич тә томан,
Бу томанкайларга ни булган?
Тауга да менеп, ташка басып,
Син карарсың, җаным, мин булмам.
Табигать
Таңнар артында таңнар
Туалар сызылып ал таңнар…
Туалар өметле көн көтеп;
Илне зур эшләргә чакырып,
Йөрәкне җиңүгә җилкетеп.
Таң чыгы
Йолдызлар елаган күренә күргәнгә
Күз яше җемелди таңнарда үләндә.
Чулпанмы елаган, Зөһрә яшьләреме,
Әллә ишеткәнме ул минем дәшкәнне.
Таң атканда (беренче вариант)
Уяна иркен болыннар,
Ачыла гөл керфекләре;
Тибрәнеп яфрак өстендә
Уйный чык бөртекләре.
Таң
Ерак тау артыннан күтәрелеп
Таң билгесе сызыла офыктан.
Куе караңгылык сыегая,
Йомшак җилләр исә котыптан.
Таулар юлы
Таулар юлын җырсыз үткәнем юк,
Күксел таулар сөя җырларны.
Авырлыкны җырлар җиңеләйтә,
Җыр кыскарта озын юлларны.
Таулар биек (икенче вариант)
Таулар биек, таулар биек,
Таулар биек менәргә.
Бачкычлар юк, бачкычлар юк,
Шул тауларга менәргә.
Таулар биек (беренче вариант)
Таулар биек, таулар биек,
Күксел урманнар.
Хәтердә яши бер
Сихерле таңнар,
Тау астында чылтырап аккан
Чишмә җырлары,
Моң булып аерылып калган
Яшьлек еллары.
Тамчылар тамар чаклар
Тамчылар тамар чаклар,
Ташулар агар чаклар;
Бергә булган вакытларны
Сәгатьләп санар чаклар.
Тамчылар (беренче вариант)
Тамчылар, тамчылар!
Әйтегезче, тамчылар!
Нигә язгы кичләрдә
Яшь йөрәкләр ярсыйлар?..
Нигә язгы кичләрдә
Яшь йөрәкләр ярсыйлар?..
