Җаным сызлый

Кышлар узып, ямьле язлар килсә,
Сагыш, шатлык чиксез көчәя.
Өмет тулы күзләр, күзләр көтеп,
Тезләнәләр серле хисләргә.

Җитен чәчәк (Җитеннәр)

Гел кояштан торган юллар безне
Офыкларга таба илттеләр.
Гел хыялдан,
Гел хыялдан торган сүзләремне
Ишеттеләр,
Ишеттеләр бары җитеннәр.
Ишеттеләр,
Ишеттеләр бары җитеннәр, җитеннәр.

Җырым синең хакта

Арада ярлар… уртада агым —
Син аргы якта, мин бирге якта.
Шулай булса да минем җырларым
Гел синең хакта, гел синең хакта.

Җәйге кичтә

Җәйге кичтә чыгам болыннарга —
Икәү генә йөргән җирләргә.
Ул вакытлар калды, микән ни соң
Инде сагынып кына сөйләргә?!