Бураннарга каршы барам (икенче вариант)
Көтеп кенә торган төсле
Ыҗгыр җил бураннары.
Давылларга каршы атлап,
Әйләнәм урамнарны.
Бураннарга каршы барам,
Офык ачылмас кебек.
Йөрәгемнең янулары
Мәңге басылмас кебек.
Вәлит Илембәтов
Бергә булыгыз!
Ялгызлыклар газап бит ул,
Күңелне баса сагыш.
Җан сөйгән ярыңнан язсаң,
Бәхетсез була язмыш.
Гомерләрне үлмәс җыр итәек
Гомер үтә диләр, гомер үтми,
Без үтәбез гомер юлларын.
Артка карап уфтанмаек әле,
Үкенмәек әле соңыннан.
Гомер юлы (өченче вариант)
Гомер иткән ирләр һәр чак юлда,
Кичә алар утны-суларны.
Аккан сулар кебек гомер уза,
Йөгәнләп булмый шул юлларны.
Әле генә…
Уйланам да хәйран калам,
Гомернең агышына.
Төшенеп тә өлгермәдем
Дөньяның аешына.
Үткәннәргә үкенмик
Яшьлек гомер мизгеленең
Язгы ташкыны.
Аккан судай гомер үтә,
Кала юшкыны.
Тормышның һәр мизгеленең
Тәмен белешик.
Авырлыкларны җиңик без,
Уйнап көлешик.
Язлар алда
Көзге җилләр яфракларны өзә,
Яшьлек язы калды еракта.
Хәлләр хәтәр, күрәчәктер инде,
Утлы яра сызлый йөрәктә.
Хәтер җыры (беренче вариант)
Бу тормышта беребез дә
Мәңгелеккә килмәгәнбез.
Мәңге калыр затларны ник
Исән чакта белмәгәнбез?
Күккә ашкан шул җаннардан,
Йолдызлардан нурлар тама.
Кыска гына гомерләрдән
Мәңге сүнмәс җырлар кала.
Хәтер җыры (икенче вариант)
Был тормышка беребез дә
Мәңгелеккә килмәгәнбез.
Мәңге калыр затларны ник
Исән чакта белмәгәнбез?
Күккә ашкан шул җаннәрдан —
Йолдызлардан нурлар тама.
Кыска гына гомерләрдән
Мәңге сүнмәс (үлмәс) җырлар кала.
Солдат
Яу кырында яшь салдатның
Йөрәгеннән кан тамды.
Шунда үскән ак чәчәкләр
Кып-кызыл булып калды.
Гомере бетте, ә бит егет
Гөлләрне назламаган.
Ярата дип, яратмый диеп,
Таҗларын санамаган.
