Алтын итеп тойсаң көмешне
Карлар, карлар ява,
Нурга тулган һава,
Бу язмышлар бәхет китерсен.
Ак кар ява җырлап,
Ак моң алган чорнап,
Җырлап кына гомер үтелсен!
Әсхәр Кәшфуллин
Гомеркәйләр үтә
Яшәсәң сөелеп,
Мәхәббәт җимешең
Туа дөнъяларны нурларга.
Күңелең һәрчак шат,
Намусың булса саф,
Ямьне бизәп яши җырларда.
Яңа ел (өченче вариант)
Яңа елда җанны пакьлек бизи,
Ак карлардан күзләр чагыла.
Көтелмәгән ак бәхетләр килеп,
Тартып алыр кебек янына.
Йолдызлардан энҗе бер коелып,
Ак чәчәкләр иңгә кагыла.
Яңа елда татлы хис уянып,
Күңелләргә назлар агыла.
Гөрләшеп яшикче, дусларым! (беренче вариант)
Күңелне тут ала,
Тормышлар туктала,
Гаиләдә татулык булмаса.
Җырларсың сагыштан,
Җырларсың ялгыштан,
Тормышта язмыштан уңмасаң.
Гөрләшеп яшикче, дусларым! (икенче вариант)
Күңелне тут ала,
Гомерләр туктала,
Гаиләдә татулык булмаса.
Җырларың сагыштан,
Еларсың ялгыштан,
Тормышта ярыңнан уңмасаң.
Иман нуры
Ишеттем азан моңнарын,
Нурлана халкым җаны.
Тик динебез коткарачак
Явызлыктан дөньяны.
Бәхет бит ул (беренче вариант)
Гомер агышларын сизми
Эшсөярләр, сабырлар.
Ник арта гомер көзендә
Яшьлекне сагынулар?
Бер гомер җитми икән
Яшьлектәге гыйшык уты
Күңелдән китми икән.
Сөеп-сөелеп яшәргә
Бер гомер җитми икән.
Ак халатлы дусларга (дусларыма)
Җырым табип дусларыма,
Шәфкать туташларына.
Чирләр белән кайгы бирмә
Ходаем, башларыма.
Туганнарым гел сезнең белән
Туганнарым сезнең белән
Очрашсам, баеп калам.
Татлы хисләргә тулышып,
Талпынып канат кагам.
