Син генә юк янымда (икенче вариант)
Сагышымдай саркып ага,
Серле чишмә янымда (алдымда).
Син генә юк,
Син генә юк,
Син генә юк янымда.
Муса Сираҗи
Җиремә
Җирем, җирем, яшел бишегем син,
Гашыйк түгел сиңа кем генә?
Туган көннән башлап син минеке,
Мин дә синеке бит мәңгегә.
Сагынуларым шулдыр, күрәсең (беренче вариант)
Нинди хәлдер…
Чишмә җырласа да,
Шауласа да Идел камышы,
Ишетелә синең тавышың;
Сулкылдатып йөрәк сагышын.
Ишетелә синең тавышың,
Сулкылдатып,
Сулкылдатып
Йөрәк сагышын!
Белорет — Чишмә юлы
Киңлекләрне айкап-байкап,
Талпына бөркет үрдә.
Шул бөркөттәй ярсу яшьлек
Канатын җәя җирдә.
Күңелемдә язлар гына
Синең яктан кояш чыга,
Синең яктан килә нурлар,
Нурлар белән бергә туа
Йөрәгемдә моңлы җырлар.
Уралдым моңнарыңа
Мин белмимен җир шарының,
Синсез, минсез әйләнгәнен.
Беләм кайгы-шатлыгыңа,
Язмышыңа бәйләнгәнмен.
Сөю көче
Кайтыр кошлар күксел томаннарга,
Кургаш болытларга урала.
Ничек итеп алар, ничек итеп
Адашмыйча дөрес юл ала?
Син генә юк янымда
Сагышымдай саркып ага,
Черле чишмә алдымда.
Син генә юк,
Син генә юк,
Син генә юк янымда.
Сагынуларым шулдыр, күрәсең (икенче вариант)
Нинди хәл бу?
Чишмә җырласа да,
Шаулап ага тигез камышым.
Ишетелә кебек тавышың
Сулкылдатып йөрәк,
Сулкылдатып йөрәк сагышын.
