Их, янасым килә…
Онытылып, бер янасым килә
Син кабызган сөю учагында.
Дөньяларны онытып
Югаласым килә,
Югаласым синең кочагында.
Азат Имаев
Гаепмени?
Гаепмени оныта алмау,
Бары сине сагыну?
Гаепмени яшьлек ярын
Искә алып талпыну.
Чәчәк ат, Башкортстан!
Читләргә китәм дә, моңаям,
Туган җирне, илне сагынам.
Агыйдел, Каридел, Димемне,
Семемне, Өршәкне юксынам.
Юксынам Өфемне, Бөремне,
Дүртөйле, Яңавыл, Стәрлемне.
Төшләргә керә ул Ишембай,
Салават, Белорет, Күмертау…
Без — татарлар
Безнең татар — җырлы-моңлы халык,
Җыр-моң сеңгән безнең каннарга.
Җәлилләрең дарга барганда да,
Онытмаган соңгы дога итеп
Иң-иң моңлы җырын җырларга.
Башкортостан татарлары
Башкортостан — язмышлары,
Башкортостан — ватаннары.
Монда туды, монда үсте
Башкортостан татарлары.
Дуслык җыры (икенче вариант)
Өфе — Казан арасы,
Барасы да барасы.
Дуслык юлын якын иткән
Татар — башкорт баласы.
Сабантуй (икенче вариант)
Исән-аман кышлап чыкты
Мал-туар йорт-курада.
Ашлык, икмәк күпереп үсәр
Беркөн киң басуларда.
Онтылмаган икән…
— Онытылган сөйгән яр, — дип,
Үз-үземне юаттым.
Очраттым да көтмәгәндә —
Ут бөркелде йөрәгемә,
Гүя барсын югалттым.
Тәңкәле апрель
Тәңкәле апрель аенда
Миңа жәй бүләк иттең.
Яшьлегемә кабат кайттым,
Сөюгә мине илттең.
Синең күзләр (беренче вариант)
Карадым да синең күзләреңә,
Әллә нишләп китте күңелем.
Серле бер кыл гүя чыңлап китте,
Йөрәгемнән моңнар түгелде.
