Гармунлы яшьлек
Без түгелме авылларда
Гармуннар тартып үстек?
Үсеп ир-егетләр булгач
Авылдан чыгып киттек.
Урал Рәшитов
Алсу гөлләр
Үстерәсең хәзер гөлләр син,
Таралашып беткәч балалар.
Алсу гөлләр язын, язын чәчәк атып,
Йөрәгеңдә урын алалар.
Җырлы гомер
Кеше гомерләре юллар кебек,
Җырлар кебек кеше язмышы.
Куандыра шатлыклары,
Үкендерә ялгышы.
Әлшәем
Борманалып ага Дим сулары,
Ярларында шаулый таллары.
Талларыңда сайрый кошлары —
Шуңа ямьле Әлшәй яклары,
Җилләр (икенче вариант)
Җилләр, җилләр, йомшак җилләр,
Сөйгәнемне табыгыз.
Миннән сәлам китердек, дип,
Тәрәзәсен кагыгыз.
Әнкәй (өченче вариант)
Кичләр җиткән саен моңсуланып
Чыгасыңдыр капка янына.
Сабырлыклар бирсен сиңа, әнкәй,
Чыдамлыклар бирсен җаныңа.
Әти-әнигә
Балачагым тугаена барып,
Әти мәтрүшкәләр җыйгандыр.
Кадерлемнең олы йөрәгенә
Бар яхшылыклар да сыйгандыр.
Ашыкма әнкәй!
Ашыгып әнкәй печән җыя,
Җиләкләргә сирәк үрелә.
Ераклардан кара болыт килә
Таң артында кояш сүрелә.
Фиданнары, тальяннары
Унсигезләр узды инде,
Матур татлы төш булып.
Без һаман яшь, без һаман шәп,
Йөрибез егет булып.
Парлы гомерләр
Үтте еллар, үтте,
Акты сулар, акты,
Ямьле булды тормыш көннәре.
Безнең йөрәкләрдә, безнең күңелләрдә
Сулмадылар сөю гөлләре.
