Ак болытлар (дүртенче вариант)
Баш очыннан ак болытлар ага,
Ак болытлар — безнең балачак.
Балачакка кеше кулы җитми,
Ул мәңгегә ап-ак калачак,
Ак болытлар — безнең балачак.
Рим Хәсәнов
Җиләк җыя әнкәй болында (икенче вариант)
Ак яулыгын уңай (каерып) бәйләп,
Пешкәннәрен генә сайлап,
Җиләк җыя әнкәй болында.
Чиләге дә матурырак
Җиләге дә алсуырак
Күренә бит аның кулында.
Җылы яңгыр (беренче вариант)
Төшләремә җылы яңгыр керә, керә,
Бәхеткәме аны юрыйсы, юрыйсы?
Агыйделдә калдың яңгыр белән,
Кулларымда кулың җылысы, җылысы.
Кулларымда кулың җылысы, җылысы.
Чәчәк салдым, әнкәй, кабереңә
Сиңа киләм канатларым сынса,
Өмет утым сүнсә учакта.
Чал башымны тезләреңә куеп (салып)
Әй, җылыйсы килә шул чакта.
Кошлар очырам
Вак мәшәкать, ыгы-зыгы тамам,
Бар эшемнең чыктым очына.
Шуңа күрә бүген таңнан алып
Күкрәгемнән кошлар очырам.
Мамык шәлем
Мамык шәлен алам,
Иңнәреңә салам,
Челтер-челтер бизәк тоташтан.
Әнкәй, шәлең җылы,
Һәр бер күзе җырлы,
Күз нурларың белән тоташкан.
Матур безнең күңелләр
Тормыш, тормыш. Әкият дөнъясы син,
Хыял белән тула күңелләр.
Әллә яшьлек матур, әллә гөлләр матур,
Әллә матур безнең күңелләр.
Елмай әле син!
Якты күзләрең, татлы сүзләрең
Күпме эзләдем? — Гомер эзләдем!
Ак чишмә (беренче вариант)
Урчокырдан аккан Ак чишмәнең
Чыккан җирләрендә куш учак,
Тубыкланып, амин тоткан кебек
Салкын суын эчтем куш учлап.
Әллә ялгыш, әллә язмыш…
Кояш калка да, тулган ай бата,
Ник кавышмыйлар алар офыкта?
Әллә ялгышмы,
Әллә язмышмы, —
Төннәр дә — көндәр арада ята?
