Сагыну (җиденче вариант)
Тугайларга язлар җиткәч
Моңсуланамы һава?
Сагышларга бармы дәва,
Сагынуга юк дәва?
Сагыну (беренче вариант)
Чәчәк идек илләрдә лә,
Чәчелдек чит җирләргә.
Тагы да чәчәк булыр идек,
Кайтсак туган илләргә.
Сагыну (унберенче вариант)
Су буенда бөдрә таллар,
Хәтфәләй камышлары.
Сине күрми бетмәс инде
Йөрәгем ярсулары (сагышлары).
Сагыну (өченче вариант)
Сагынасыңмы туган авылыңны,
Исеңдәме искән җилләре,
Тирә-якка хуш исләрен сибеп,
Гүзәл үскән бакча гөлләре?
Сагыну (сигезенче вариант)
Бездә биек таулар бар ла,
Тау астында таллар бар;
Талда яфрак, миндә сагыну,
Сездә нинди хәлләр бар?
Сагыну (тугызынчы вариант)
Мин сагынып киләм сине,
Мин сагынып киләм сине,
Ашкына сиңа җаным.
Сагыну (унынчы вариант)
Гомерләрнең мәңге түгеллеген,
Фани икәнлеген белсәм дә,
Ышанасым килә кешеләрнең,
Үзе үлгәч, җаны исәнгә.
Сагынам, дуслар (дүртенче вариант)
Сагынам, дуслар, сагынам, дуслар,
Сагынам, дуслар, илкәйне, лә,
Сагынам, дуслар, илкәйне.
Илкәй белән бергә сагынам
Яшьли сөйгән иркәмне.
Сагынам, дуслар (беренче вариант)
Сагынам, дуслар, сагынам, дуслар,
Сагынам туган илкәйне, шул,
Сагынам туган илкәйне.
Илкәй белән бергә сагынам
Яшьли сөйгән иркәмне.
Сагынамын каеннарны
Каеннарга мин сөялдем,
Кайгыларны сөйләдем.
Синнән башка бу дөньяда
Беркемне дә сөймәдем.
Авылымның каеннарын
Кайтып күрәсем килә.
Синең белән тормыш юлын
Бергә үтәсем килә.
