Борчылма
«Оча алмый самолетлар,
Юлга чыкмый кошлар да»,
Дип уйлама, әгәр быел
Кайталмасам кышларда…
Әнвәр Бакиров
Агыйдел
Җилкәнсез көймә шикелле,
Ай йөзә талгын гына,
Ай янында җем-җем иткән
Йолдыз да йолдыз гына.
Ай йөзә ялгыз гына.
Авылым таңнары (беренче вариант)
Су өстендә акчарлаклар,
Ак томаннары.
Сихерлидер көн дә мине
Авылым таңнары.
Яшел кырда күләгәсе, күләгәсе
Ак болытларның — мамык тауларның.
Хезмәтемә шатлык өсти, көч-дәрт бирә
Нуры таңнарның, җәйге таңнарның.
Авылым таңнары — Бәхетем таңнары.
Авылым минем
Авыруыма табиб кирәк түгел,
Йөрәгемнең беләм дәвасын:
Һәр ел саен кайтып иснәп киләм
Авылымның чиста һавасын.
Тыныч булсын таңнар!
Дуслык билгеседер: җирдә ярсып,
Иделләргә кушыла дәрьялар.
Дуслык кадрен белеп яшәгәндә,
Нинди иркен, киң бу дөньялар!
Туган як басулары
Иң беренче аяк баскан
Туган як басуларым.
Яшел дулкыннар кузгата
Йөрәгем ярсуларын.
Актаныш сылулары
Актаныш кызлары белән,
Ах, таныш булулары!
Күпме егетне саргайта
Актаныш сылулары.
Ямьле безнең Минзәләбез
Сандугач сайрый тирәктә,
Сайрый Ык буйларында.
Уңган кызлары мактала
Халкыбыз җырларында.
Чәчәк бирәм сиңа…
Чәчәк бирәм сиңа,
Тик сине мин
Чәчәкләргә генә тиңләмим.
Нәфис тә син,
Гүзәл дә син гөлдәй,
Тик чәчәкләр кебек шиңмә син.
Ромашкалар (өченче вариант)
Тау битендә үскән ак чәчәкләр
Сез бит минем якын дусларым.
Көләч йөзегездән ямьнәр алам,
Алам бәхет, шатлык нурларын.
