/Чыпчык җыры/
Каурый-каурый канат кош булсам да,
Мин сандугач-былбыл түгелмен.
Былбыл тавышы кебек тавышым да юк,
Ә шулай да җырлый күңелем.
Черек-черек, черуки —
Менә минем җыру-көй!
Сандугач-былбыллар талга куна,
Мин дә очып талга кунамын.
Талдан-талга кунып сайрасам да,
Мин гап-гади чыпчык кынамын.
Черек-черек, черуки —
Менә минем җыру-көй!
Мине мактап беркем җыр җырламый,
Яннарында очып йөрсәм дә,
Ләкин туган җирдән читкә китмим,
Салкын кышта егылып үлсәм дә.
Черек-черек, черуки —
Менә минем җыру-көй!
Барлык кошлар кебек таңнан торып,
Мин дә үз җырымны таратам.
Беләм, миңа синең исең китми,
Ө мин, Кеше, сине яратам!..
Черек-черек, черуки,
Менә минем җыру-көй!