Илле ел бергә гомер иттегез,
Авыр елларны бергә үттегез;
Барысы да уртак булды:
Кайгыларны бергә җиңдегез,
Бер шатлыкны ике иттегез.
Алтын туегыз бик мөбарәк икән,
Табыннарыгыз түгәрәк икән.
Гомер юлларын кичкәндә
Сүрелмәслек хис кирәк икән,
Аны саклар көч кирәк икән.
Табынга уртак шатлыклар куелган,
Бөтен туганнар бергә җыелган.
Соңарган кунак шикелле,
Яшьлек үзе шушы табынга
Килеп керер кебек тоела.
