Матур була (беренче вариант)

Матур була бар җир йөзе
Нурларга чумса,
Мәхәббәтнең сайрар кошы
Йөрәккә кунса.

Яшәсәң икән сайрашып,
Сөенеп кенә,
Гомер буе сөйгәнеңнән
Сөелеп кенә.

Матур була кышлар ап-ак,
Салкынар белән;
Матур була йөрәк, сүнмәс
Ялкыннар белән.

Яшәсәң икән бер янып,
Бер көеп кенә,
Гомер буе сөйгәнеңнән
Сөелеп кенә.

Матур була җәйләр яшәл,
Хуш исләр белән;
Матур була кеше җаны
Саф хисләр белән.

Үтсен гомер саф хисләргә
Төренеп кенә,
Гомер буе сөйгәнеңнән
Сөелеп кенә.

/1977/

Оставьте комментарий