Яз кояшы
Яз килүен хәбәр итеп,
Якты кояш балкый күктә.
Яшәү дәрте һәр йөрәктә,
Яз шатлыгы һәр күңелдә.
Марат Гобәйдуллин
Ялгыз каен (өченче вариант)
Туган авылым, сине сагынып кайтам
Шау чәчәкле ямьле яз саен.
Каршы ала һаман юл читендә
Моңсуланып ялгыз ак каен.
Пар каен
Пар каеннар урман юлында
Озатып кала һәрбер юлчыны.
Кем өчендер юллар әле кыска,
Кемнәрнедер көтә озыны.
Күкрәгемә килә кочасым
Моңсуланып, уйга баткан чакта
Күзәтәмен тирә-ягымны.
Яшел чирәм, яшел агачлар да
Кошларның да тав(ы)шы ягымлы.
Кил син, язым
Тып-тын һава, нурлар ява,
Көн аяз.
Бар дөньяга нурлар сибеп
Килә яз.
Канаты каерылган күбәләк
Бакчадагы гөлемә килеп кунды
Канаты каерылган күбәләк.
Сабый чагым гүя исемә төште,
Уйный идек һәрчак бергәләп.
Җырларымда минем язмышым
Җырларымда минем күңел моңым,
Җырларымда шатлык, сагышым.
Җырларымда барлык гомер юлым,
Җырларымда минем язмышым.
Җырлыйк, дуслар (икенче вариант)
Җырның ниндие генә юк:
Дәртлесе һәм моңлысы.
Күңелгә якын җырларны
Килә һәрчак тыңлыйсы.
Җырда булмый алдашып
Кошлар да юлчы дөньяда,
Кошның да үз язмышы.
Юллар җырлы, җырлар — моңлы,
Җырда булмый ялгышып.
Гармун моңы (өченче вариант)
Гармуныңны уйныйсың да,
Урамнарны буйлыйсың.
Күңелең тулы моң гына,
Ни турында уйлыйсың.
