Сагыш (өченче вариант)

Бәгырьләрне өзә таныш моңы
Ниләр булган талгын чишмәгә?
Әйтелмәгән үкенече бардыр,
Таулар ярып чыкмас тикмәгә.

Киң иде дә сабыр канатларым,
Тарайды шул дөнья нигәдер;
Салкын ташка юанычлар эзләп,
Әнкәм җыры монда тибәдер…

Балачаклар хатирәсен кабат
Яңарткандай чишмә агышы;
Газиз бер моң булып челтеридер
Саф телемдә якты сагышым.

Оставьте комментарий