Язлар җиткәч кайтырмын

Язлар җиткәч, кайтырмын
Кошлар кебек (булып) талпынып;
Басылмасмы йөрәгемдә
Сагыш ялкыны?

Ак каеннар каршылар
Юлларымда тезелеп.
Сагындым, авылым,
Сине өзелеп!

Язлар җиткәч, кайтырмын
Узып җитез җилләрне;
Күргем килә яшьлек эзем
Калган җирләрне.

Былбыл моңын тыңлармын
Таң атканда сызылып.
Сагындым, авылым,
Сине өзелеп!

Язлар җиткәч, кайтырмын
Ташкын булып ашкынып (атлыгып, талпынып);
Ташкыннарга тиндәш булыр
Йөрәк ялкыным (Минем шатлыгым).

Салкын чишмә суларын
Эчәрмен мин иелеп.
Сагындым, авылым,
Сине өзелеп!

Оставьте комментарий