Яшисең килеп яшә

Син яраткан алсу йөзләр
Елмаеп көлеп торсын.
Кая барсаң да өеңә
Кайтасың килеп торсын.

Гомерең буе яшә син
Бәхет белән янәшә.
Яратасың килеп ярат,
Яшисең килеп яшә.

Диңгезләр сиңа сай булсын,
Дусларың гел бай булсын.
Ходайның рәхмәте белән
Эшләрең гел җай булсын.

Гомерең буе яшә син
Бәхет белән янәшә.
Яратасың килеп ярат,
Яшисең килеп яшә.

Дустыңа, туганнарыңа,
Илгә ышаныч булсын.
Алдагы көннәрең өчен
Күңелең тыныч булсын.

Гомерең буе яшә син
Бәхет белән янәшә.
Яратасың килеп ярат,
Яшисең килеп яшә.

Оставьте комментарий