Талгын гына яуган карлар
Күмә көзнең гөлләрен,
Чәчәкләрне җылытам дип,
Үрелә иреннәрем.
Сөю хисе татымаган
Кызлар кебек ул гөлләр,
Кар астында күмелепме
Калган төсле гомерләр.
Язларда һәм җәен-көзен
Урман-аланда гөлләр,
Һәр кемгә дә төрле язмыш
Биргән бит ул гомерләр.
Сөю-хисләр кисерсеннәр
Шушы җиргә килгәннәр,
Сөелә күктә ай-кояш,
Җирдә иң матур гөлләр.
Умырзая кылларының
Хисләренән кайный кар,
Кар астында язса гомер
Узгара көн-атналар.
Сөю хисе татымаган
Кызлар кебек ул гөлләр,
Кар астында күмелепме
Калган төсле гомерләр.
