Гүзәллегемнең сере
Гүзәл диләр, сәбәбе бар
Гүзәл булуларымның.
Сезнең алда гүзәл булып
Җырлап торуларымның.
Гүзәл диләр, сәбәбе бар
Гүзәл булуларымның.
Сезнең алда гүзәл булып
Җырлап торуларымның.
Бездә җырлар бетә торган түгел,
Җилкәбезгә кошлар кундырабыз.
Күңелебез тулы моңнар белән
Тотынабыз икән, булдырабыз!
Яңгыр яуган зәңгәр кичне,
Бөтен җирдә шомырт исе.
Шатлыктан исергән төсле,
Атлыйм урамнан.
Дусларым җыелган җиргә,
Ашыгам “Сәләм” диергә,
Бергәләп шашып биергә
Көйләр куелган.
Телне-динне онытмыйбыз,
Гадәтләрне саклыйбыз
Авылдан чыккан булсак та,
Заманнан калышмыйбыз.
Өчпочмак-бәлеш пешереп
Бик еш кунак сыйлыйбыз
Мул табынлы һәм кунакчыл
Авылның кызлары без.
Өйләнергә дер калтырап яшибез,
Андыйларга кулны гына селтибез.
Өйләнергә исәп итсәң — димләрбез,
Бик акыллы чибәркәйне урларбыз.
Алды мине Рәбига
Безнең Милли музейга
Искелекне карарга
Булмасак та фанат.
Ә мин әйттем керүгә,
Гөлчәчәкне күрүгә,
Сезнең бу күргәзмәдә
Мин иң төп экспонат.