Очрадың да юлларымда
Җырларыңа урадың.
Алып киттең күңелемне…
Хәзер синдә уйларым!
Торасың гел күз алдымда,
Колагымда — моңнарың…
Җыр булып кил син тагын да,
Тынгы бирмәс хыялым!
Очрадың да юлларымда
Тормышымны нурладың.
Мәхәббәтле күзләреңне
Күреп һич тә туймадым.
Торасың гел күз алдымда,
Колагымда — моңнарың…
Җыр булып кил син тагын да,
Тынгы бирмәс хыялым!
Очрадың да юлларымда
Йөрәгемә моң салдың.
Сөюемне, көюемне
Ник әйтергә кыймадым?!
Торасың гел күз алдымда,
Колагымда — моңнарың…
Җыр булып кил син тагын да,
Тынгы бирмәс хыялым!