/Рамил җыры, шаян җыр/ Иртән торып эшкә барам, Ачып керәм йозакны. Ачып булмый кешеләрнең Җанындагы тозакны. Берсен-берсе талый-талый Ерткыч була кешеләр. Их кешеләр, их кешеләр… Без дә сезнең ишеләр. Иртән торып эшкә барам, Җырлап «Сарман» көенә. Минем сөенгәнне күреп, Ярты Казан көенә. Берсен-берсе талый-талый Ерткыч була кешеләр. Их кешеләр, кешеләр… Без дә сезнең ишеләр. Иртән … Читать далее
Минем иркәм бар иде,
Үзем белән пар иде.
Сөйләшеп тә туялмаган
Көннәребез бар иде.
Ком бураны, ком бураны
Оренбурның урамы;
Илдә көрәш барган чакта
Өйдә торып буламы?
Җырлыйк әле, җырлыйк әле,
Җырлыйк шушы көйләргә;
Җырласак шушы көйләргә,
Калыр сагынып сөйләргә.
Уйнагыз да, җырлагыз да,
Гармун кулларыгызда;
Гөлләр булып үсәр идем
Йөргән юлларыгызда.
Китәм инде, китәм инде,
Китәм инде, каласыз.
Яшәп була сөйгән ярсыз,
Яшәп булмый баласыз.
Безнең авыл урамнары
Алты-җиде тыкырык.
Җырласам, җырларым бетмәс
Яннарыңа утырып.
Бас, кызым, Әпипә,
Син басмасаң, мин басам.
Синең баскан эзләреңә
Мин дә китереп басам.
Бас, кызым, Әпипә,
Син басмасаң, мин басам.
Синең баскан эзләреңә
Мин дә китереп басам.
Тыпыр-тыпыр биергә
Тимер идәннәр кирәк,
Тимер идәннәр өстенә
Хәтфә паласлар кирәк.
Уточните тексты уже известных песен или разучите новые треки.
