Актаныш таңнары

Акчарлаклар очып уйный
Актаныш күлләрендә.
Ул гына яши, елмаеп,
Күңелем түрләрендә.

Актаныш таңнары,
Ул минем йөрәк серемне
Аңлармы?

Зәңгәр кичтә Агыйделгә
Йолдызлар коела сыман.
Аны гына сайлап алдым
Бик күпләр арасыннан.

Актаныш таңнары,
Ул минем йөрәк серемне
Аңлармы?

Очып кына китәр идем
Актаныш якларына.
Өзгәләнгән минутым бар
Юксынган чакларымда.

Актаныш таңнары,
Ул минем йөрәк серемне
Аңлармы?

Оставьте комментарий