Ак яулыклы әнием

Чәчләреңә япкан ак яулыгың
Бик килешә, әнкәм, йөзеңә.
Ак яулыгың төсле ак күңелең,
Саф күңелең чагыла күзеңдә.

Ак төсләрне әллә күп сөйгәнгә —
Чәчләрең дә бүген ак синең…
Күңел күгемдә син — якты кояш,
Ак яулыклы әнием минем.

Ак көннәрең, бәлки, аз булгандыр,
Югалттың шул инде Саулыгың.
Кара кайгыларны күрсәң дә син,
Каралтмадың, әнкәм, яулыгың.

Ак төсләрне әллә күп сөйгәнгә —
Чәчләрең дә бүген ак синең…
Күңел күгемдә син — якты кояш,
Ак яулыклы әнием минем.

Оставьте комментарий