Уяна Урал ягында
Алсу таң билгеләре,
Нурлана Кама ярында
Безнең шәһәр өйләре.
Түбән Кама, Түбән Кама —
Яшьлек калабыз.
Синдә киләчәк көннәрнең
Нигезен салабыз.
Йолдызларга үрелеп усә
Без салган гүзәл йортлар:
Таңнарга кадәр җемелди
Күгеңдә алтын утлар.
Түбән Кама, Түбән Кама —
Яшьлек калабыз.
Синдә киләчәк көннәрнең
Нигезен салабыз.
Беренче сөю хисләрем
Дөрләп кабынган шәһәр.
Гомремнең гүзәл юллары
Синдә табылган шәһәр.
Түбән Кама, Түбән Кама —
Яшьлек калабыз.
Синдә киләчәк көннәрнең
Нигезен салабыз.