Кемне көтәләр?

Йә, күрешик. Сөйләп җибәр.
Үз иттеләрме?
Дөрес яшәмәдең диеп,
Нык сүктеләрме?
Җирдән ахирәткә кадәр
Еракмы ара?
«Татфондбанк»ны ябучылар
Кайларда яна?

Ничек анда торып ята
Иртә киткәннәр?
Кайсыбыз тора чиратта,
Кемне көтәләр?

Миллениумнан озынмы
Сират күпере?
«Оргсинтез»дан яманмы
Тәмуг төтене?
Оҗмахта күренгәлиме
Берәр зур түрә?
Ут-суга, газга түләүләр
Ай дамы килә?

Ничек анда торып ята
Иртә киткәннәр?
Кайсыбыз тора чиратта,
Кемне көтәләр?

Өс-башың бөтенме синең,
Тукмы тамагың?
Анда бушка бирмиләрме
«Вамин» каймагын?
Ришвәт биреп котылганнар
Бармы тәмугтан?
Сүз иреген кысалармы
Гади халыктан?

Ничек анда торып ята
Иртә киткәннәр?
Кайсыбыз тора чиратта,
Кемне көтәләр?

Оставьте комментарий