Тәрәзәдәге утлар
Ерактан балкып тора,
Музыкалы, якты клуб
Күңелне тартып тора.
Залда вальс өермәсе,
Егетләр бии, кызлар; —
Таралып тирә-якка,
Тирбәлә талгын моңнар.
Вальс моңы, уен, көлке —
Клубның киң залларында;
Күңелләр күтәрелә,
Яшьлек канатларында,
Биегез, әйләнегез
Музыка уйнаганда;
Ямьләнә бәйрәмебез
Шат дуслар җыелганда.
Җырлыйбыз хозурланып,
Эшлибез горурланып;
Яшь буын алга бара,
Рухланып, матурланып.
