Гомерем буе сине көттем

Гомерем буе сине сагнып көттем,
Ташкын сулар кебек ашкынып.
Мәхәббәтем сиңа шулай көчле —
Сүнгән учак китәр кабынып.

Кил син миңа, мәхәббәтем,
Очраса да киртәләр.
Йөрәк сыкрап сине көтә,
Синсез үтә кич тә, иртәләр.
Синсез — кич тә, иртәләр…

Еллар үтте… Яшьлек гөле
Көздәй тормыш җиле белән коелды.
Давыл кебек туган дәртле хисләр
Яшь йөрәккә мәңге уелды.

Оставьте комментарий