Гармун моңнары яңырый
Кичен чишмә буенда.
Бер яшь егет гармун уйный,
Кемнәр икән уенда.
Әй, егет, гармуныңның
Алтын-көмеш телләре.
Шул моңлы гармун көйләре
Күтәрә күңелләрне.
Гармуныңны уйна, дустым,
Кулларың ла талмасын.
Яшь вакытта җырлыйк, биик,
Үкенечкә калмасын.
Әй, егет, гармуныңның
Алтын-көмеш телләре.
Шул моңлы гармун көйләре
Күтәрә күңелләрне.
Гармун моңнары тынмасын,
Тусын яңа җырлар да.
Насыйп булсын безгә тагын
Моңлы җырлар җырларга.
Әй, егет, гармуныңның
Алтын-көмеш телләре.
Шул моңлы гармун көйләре
Күтәрә күңелләрне.