Порт-Артур дигән таш кала
Күп калага баш кала,
Сары диңгез буйларында
Зур каладан санала.
Һай-ли, Порт-Артур,
Була идең лә матур.
Дошманнардан аны яклап,
Күп ирләр башын сала;
Ирләр үлә, башын сала,
Бетмәс даннары кала.
Ай-һай, Порт-Артур,
Була идең лә матур.
Порт-Артур тигән калага
Японнар туп аталар,
Аямый дошман, аямый,
Таш коймасын ваталар.
һай-ли, Порт-Артур,
Була идең лә матур.
Японнар туп аталар,
Порт-Артурны ваталар.
Кайсы аяксыз, кайсы кулсыз
Тилмерешеп яталар.
Ай-һай, Порт-Артур,
Була идең лә матур.
Диңгез өсте кып-кызыл кан,
Өркелеп үлек ага;
Ирләр үлә, башын сала,
Бетмәс даннары кала.
Һай-ли, Порт-Артур,
Була идең лә матур.