Онытылмас яшьлек еллары

Талгын гына үтә айлар, еллар
Сүтә-сүтә гомер йомгагын.
Гомер узган саен искә төшә
Онытылмас яшьлек еллары.

Кушымта:
Ничек кенә күңел талпынса да,
Кайтып булмый шул яшь чакларга.
Яшьлектәге керсез саф хисләрне
Насыйп булсын мәңге сакларга.

Язгы күкрәү сыман яшьлек таңы
Ни арада шулай үткән дә.
Тәүге яшьлек сукмаклары буйлап
Хыялымда кайтам үткәнгә.

Ямьле яшьлек кайтавазы булып,
Җырлар туа һаман күңелдә.
Мәңге шиңмәс гүзәл чәчкә кебек
Саклана ул йөрәк түрендә.

Оставьте комментарий